Debate mbi Napoleon Zervën dhe Xhaferr Devën në media

Një deklaratë e komunitetit çam drejtuar presidentit grek, e cila fajsonte çamët si bashkëpunëtorë të italo-gjermanëve, është pasuar nga ekspozimi i fotos së Napoleon Zervës në Galerinë e Artit në Derviçan. Ngjarja është shoqëruar edhe me shkrime me lavde për Xhaferr Devën, i cili është deklaruar si bashkëpunëtor i nazi-fashistëve.

Sipas analizës së publikuar, Xhaferr Deva njihej si njeri i afërt me të plotfuqishmin e Hitlerit në Europën Juglindore, Hermann Neubacher, ndërsa fillimisht ka punuar për shërbimin informativ ushtarak gjerman dhe më pas për CIA-n amerikane. Në shkrim përmendet gjithashtu roli i tij si ministër i brendshëm në qeverinë kuislige të Rexhep Mitrovicës, si dhe paralelizmat e bëra me ministrin grek të rendit, Napoleon Zerva, i cili kishte origjinë shqiptare dhe prejardhje nga suliotët.