Dani Ceballos largohet nga Real Madrid
Sa e suksesshme ishte aventura nëntëvjeçare e mesfushorit spanjoll te 'Los Blancos'?
MADRID — Dani Ceballos ka përfunduar zyrtarisht aventurën e tij si lojtar i Real Madridit. Klubi mbretëror njoftoi se palët kanë arritur një marrëveshje dyanëshe për të përfunduar bashkëpunimin, duke i dhënë fund një periudhe të gjatë në kryeqytetin spanjoll.
Ceballos u bashkua me "Los Blancos" gjatë vitit 2017 dhe gjatë nëntë viteve të qëndrimit të tij ka regjistruar 215 ndeshje. Përtej shifrave të prezencës në fushë, mesfushori spanjoll shënoi një sukses të konsiderueshëm në aspektin e trofeve gjatë kësaj periudhe.
Gjithsej, ai fitoi 16 tituj, ku spikatin 3 Kupa Evropiane, 4 Kupa Bote për Klube, 3 Superkupa Evropiane, 2 Liga Spanjolle, 1 Kupë të Mbretit dhe 3 Superkupa Spanjolle. Ky largim shënon fundin e një cikli të pasur trofeve për lojtarin spanjoll në Madrid.
Burim: IndeksOnline
— Redaksia ZHURMA