Kush e quan «historike» deklaratën e Thaçit para nisjes për Hagën?

Historiani Jusuf Buxhovi e ka cilësuar si historike deklaratën e ish-presidentit Hashim Thaçi të dhënë në fjalën e dorëheqjes para nisjes për në Hagë. “Deklarata e Hashim Thaçit atë ditë kur është nisur për në Hagë, kur ka dhënë dorëheqje, ishte historike. Unë e konsideroj si historike, sepse ka thënë: ‘Po shkoj në Hagë për ta mbrojtur Kosovën. Drejtësia do ta mbrojë dhe unë i besoj drejtësisë’”, tha Buxhovi mbrëmë në emisionin “Rubikon” të Klan Kosovës. Buxhovi shtoi se ky mesazh i Thaçit përfaqësonte një akt të rëndësishëm shtetëror.

Ai gjithashtu theksoi se Thaçi ka dëshmuar me këtë se, përveç luftës, është i gatshëm edhe të sakrifikohet për vendin. “Hashim Thaçi ka dhënë një dëshmi se lufton dhe, nëse ka nevojë, edhe sakrifikohet për shtetin e Kosovës”, deklaroi Buxhovi.

Burim: Nacionale, nacionale.com
— Redaksia ZHURMA