Pse kërcënon Bullgaria me bllokadë propozimin francez?
Ministrja e Jashtme bullgare, Velislava Petrova-Çamova, deklaroi se Sofja do të parandalojë çdo përpjekje të Shkupit për të anashkaluar ose rinegociuar kornizën e korrikut 2022.
SOFJE — Ministrja e Jashtme bullgare, Velislava Petrova-Çamova, ka bërë të qartë se Bullgaria do të bllokojë çdo tentativë të Maqedonisë së Veriut për rinegocimin e propozimit francez. Në një përgjigje parlamentare, ajo theksoi se "integrimi evropian i Maqedonisë varet nga zbatimi i konsensusit evropian të korrikut 2022".
Petrova-Çamova njoftoi se Ministria e Jashtme bullgare po koordinon përpjekje aktive përmes misioneve diplomatike në vendet anëtare të BE-së dhe në Shkup për të parandaluar çdo "tërheqje, anashkalim ose vënie në pikëpyetje" të angazhimeve të ndërmarra. Si detyrë prioritare, ajo përmendi zbatimin e elementëve të miratuar të korrikut 2022, duke respektuar vendimet e Parlamentit bullgar të 24 qershorit 2022 dhe 30 majit 2025.
Ministrja shtoi se do të vazhdohet dialogu me partnerët evropianë për të mbrojtur interesat kombëtare në procesin e zgjerimit.
Burim: Telegrafi
— Redaksia ZHURMA