Pse ngritet shqetësimi për gjendjen fizike të Bukayo Sakas?

LONDON — Gjendja fizike e Bukayo Sakas ka ngjallur shqetësime të reja në kampin e kombëtares së Anglisë, në një kohë kritike pak ditë para nisjes së fazës me eliminim direkt të Kupës së Botës 2026. Analistët dhe ish-futbollistët e kombëtares shprehen të shqetësuar për gatishmërinë e yllit të Arsenalit.

Ish-mbrojtësi i Anglisë, Gary Neville, ka deklaruar se sulmuesi nuk duket aspak në gjendjen e tij normale. Nga ana tjetër, Ian Wright beson se futbollisti mund të jetë rikthyer në fusha gara para kohe, duke rrezikuar një lëndim më të rëndë në një moment vendimtar për ekipin anglez.

Saka ka vuajtur prej kohësh nga një problem në tendinën e Akilit, një gjendje të cilën ai u detyrua ta menaxhojë edhe në fund të sezonit me Arsenalin. Ky problem fizik duket se po vazhdon ta shoqërojë lojtarin edhe gjatë përgatitjeve për fazat eliminatore të turneut botëror.

Trajneri Thomas Tuchel e kishte pranuar më herët se sulmuesi nuk ishte në gjendje të stërvitej dy ditë radhazi për shkak të këtij problemi. Megjithatë, Saka luajti në të tria ndeshjet e fazës së grupeve, gjë që tani ngre pyetje për qëndrueshmërinë e tij fizike.

Burim: Ekonomia Online
— Redaksia ZHURMA