Bujar Osmani: Bërvenica shënon fillimin e rikthimit të vullnetit shqiptar
Nënkryetari i BDI-së ka reaguar pas votimeve në Bërvenicë, ku sipas të dhënave jozyrtare gara do të vazhdojë në raundin e dytë kundër VMRO-së.
Redaksia ZHURMA · · 1 min lexim
Procesi zgjedhor i zhvilluar në Bërvenicë ka sjellë një reagim nga nënkryetari i Bashkimit Demokratik për Integrim, Bujar Osmani. Sipas njoftimeve jozyrtare lidhur me këtë proces, përfaqësuesi i Frontit Evropian, Arkin Jahiji, ka shënuar fitore ndaj kundërshtarit nga radhët e partisë VLEN, Jakup Hiseini.
Në fazën e dytë të garës zgjedhore, kandidati në fjalë do të matet me atë të VMRO-së. Duke e cilësuar këtë zhvillim si pikënisje, zyrtar i BDI-së ka shkruar: «Bërvenica është vetëm fillimi: vullneti i shqiptarëve që e injoruat dje, sot po kthehet për t’ju kërkuar llogari. Urime».
