Çfarë rrezikoi Bozdo për Durana Park dhe listën gri të BE-së?

TIRANË — Deputeti i PD-së Enno Bozdo kërkoi sot në Kuvend më shumë transparencë mbi kompanitë e regjistruara në Durana Park, duke paralajmëruar se mënyra e operimit të tij mund të rrezikojë futjen e Shqipërisë në listën gri të BE-së për parajsa fiskale.

Në interpelancën me ministren e Ekonomisë, Delina Ibrahimaj, Bozdo tha se në park figuron Ermal Beqiri dhe kompani të shoqërisë së tij të themeluara në fund të vitit 2024, ndërsa ky person është në akuza të rënda nga SPAK si pjesë e grupit kriminal të AKSHI-t. Ai shtoi se modeli i regjistrimit virtual të kompanive mund të krijojë probleme në konkurrencë dhe në zbatimin e kuadrit ligjor.

Bozdo theksoi se Shqipëria ka ratifikuar konventa ndërkombëtare që kërkojnë substancë ekonomike reale — staf, asete dhe aktivitete kërkim-zhvillimi — për subjektet që përfitojnë regjime fiskale të veçanta. Sipas tij, ofrimi i tatimit 0% ndërsa kompanitë ndërkombëtare paguajnë 15% tatim minimal do ta bënte skemë humbje të ardhurash për buxhetin dhe do të rrezikonte rifutjen në listën gri të BE-së.

Burim: ATSH, https://ata.gov.al/2026/06/11/bozdo-durana-park-rrezikon-futjen-e-shqiperise-ne-listen-gri-te-be-se/
— Redaksia ZHURMA