Si do të funksionojë sistemi EES në Maqedoninë e Veriut dhe çfarë fleksibiliteti pritet?
Delegacioni i BE-së në Shkup hedh poshtë zërat për përjashtime të vendeve të treta nga sistemi i ri i kontrollit kufitar.
SHKUP — Delegacioni i BE-së në Maqedoninë e Veriut ka konfirmuar se Sistemi Evropian i Hyrjeve-Daljeve (EES) do të zbatohet njëtrajtësisht në të gjitha vendet pjesëmarrëse të zonës Shengen, pa vonesa për vende të treta. Institucioni theksoi se korniza ligjore nuk parashikon "ndonjë vonesë të mëtejshme ose përjashtime të përgjithshme" për qytetarët jashtë Unionit.
Megjithatë, Delegacioni pranoi fleksibilitet të kufizuar: shtetet anëtare mund të aplikojnë lehtësira të përkohshme në pika të caktuara kufitare në "rrethana të jashtëzakonshme operative" dhe për periudha të shkurtra.
Dje, ministri i Jashtëm Timço Mucunski kundërshtoi zërat për përjashtime individuale, duke shtuar se po zhvillohen diskutime në nivel të lartë për fleksibilitet ndaj vendeve të rajonit.
Burim: Telegrafi
— Redaksia ZHURMA