Bayerni kërkon Grudën, Leipzigu vendos çmimin afro 100 milionë euro
Brajan Gruda ka tërhequr vëmendjen e Bayern Munichut pas paraqitjeve të shkëlqyera te RB Leipzig.
Redaksia ZHURMA · · 1 min lexim
Paraqitjet e mira të Brajan Grudës te RB Leipzig dhe në ndeshjet e para me Kombëtaren e Gjermanisë kanë rritur ndjeshëm interesimin e klubeve të mëdha evropiane, mes të cilave figuron edhe Bayern Munichu. Sipas gazetës gjermane «Bild», kampioni rekord i Gjermanisë po e përcjell nga afër zhvillimin e futbollistit dhe vlerëson shkathtësinë e tij për të lozur në të dy krahët dhe pas sulmuesit, por klubi aktual nuk ka ndërmend ta lëshojë gjatë verës së ardhshme pa një ofertë jashtëzakonisht të lartë.
Pozita e Leipzigut në negociata mbetet e favorshme falë marrëveshjes me Brighton & Hove Albion, klubin pronar të kartonit të lojtarit. Pasi pagoi një milion euro për huazimin në shkurt të vitit 2026, klubi gjerman do t'i paguajë edhe 25 milionë euro për blerjen përfundimtare, detyrim që mund të aktivizohet në fillim të vitit 2027 me të paktën tri paraqitje në Bundesligë. Pas këtij hapi, sulmuesi 21-vjeçar pritet të lidhet me kontratë deri në vitin 2031, e cila nuk përmban klauzolë lirimi dhe mund të detyrojë Bayernin të përballet me një operacion afër 100 milionë eurove.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar