Çfarë synon samiti "Balkan Blockchain 2026" në Prishtinë me Binance partner?
Mijëra pjesëmarrës nga e gjithë bota u mblodhën në Klan Arena për dy ditë diskutimesh mbi Web3, inteligjencën artificiale dhe tokenizimin.
PRISHTINË — Samiti "Balkan Blockchain 2026" nisi punimet sot në ora 10:00 në Klan Arena, me pjesëmarrjen e folësve globalë dhe mijëra vizitorëve. Në fjalën hapëse morën pjesë kryetari i Prishtinës Përparim Rama, ish-deputeti Memli Krasniqi dhe Rachel Conlan, Chief Marketing Officer në Binance.
Fokusi i samitit është tek inteligjenca artificiale, edukimi në Web3, tokenization, stablecoins dhe e ardhmja e ekonomisë digjitale. Binance rikthehet si partner i eventit edhe këtë vit, ndërsa organizatorët kanë paralajmëruar një giveaway me mbi 10,000 dollarë në shpërblime për pjesëmarrësit.
Sipas organizatorëve, interesi ka qenë rekord, me regjistrime nga vende të ndryshme të botës. Synimi është që samiti të pozicionohet si një nga eventet më të rëndësishme të Web3 në Evropë.
Burim: Telegrafi
— Redaksia ZHURMA