Pse largohet Azir Aliu nga Ministria e Shëndetësisë?
Pas premtimit të papërmbushur të 74 milionë eurove për Spitalin e Tetovës
TETOVË — Azir Aliu do të largohet nga pozita e ministrit të Shëndetësisë pa e përmbushur premtimin e tij për investimin prej 74 milionë eurove për Spitalin e Tetovës, i cili u prezantua si një projekt strategjik, por pa shumë detaje. Ministri në largim, Azir Aliu më 2 maj 2026 me tone optimiste paralajmëroi investim prej 74 milionë eurosh për transformimin e Spitalit Klinik të Tetovës, duke e cilësuar si projekt strategjik që “do ta ndryshojë përgjithmonë mënyrën e ofrimit të shërbimeve shëndetësore në Pollog”. Megjithatë, pavarësisht deklaratave ambicioze dhe prezantimit publik të projektit, shumë detaje mbetën të paqarta.
Portlab.mk kërkoi sqarime lidhur me mosrelizimin e këtij premtimi dhe detaje rreth projektit, si sigurimi i fondeve dhe afatet kohore, por nga Ministria e Shëndetësisë nuk u përgjigjën. Investimi i propozuar prej 74 milionë eurove për Spitalin e Tetovës ishte parë nga Azir Aliu si një projekt i rëndësishëm për të ofruar shërbime shëndetësore të mira dhe moderne në Pollog.
Një tjetër i tillë i papërmbushur i Aliut mbetet ndërtimi i parkut memorial për viktimat e spitalit modular, i cili u premtua para një viti. Azir Aliu ikën nga Ministria e Shëndetësisë pa e ndërtuar parkun memorial për viktimat e spitalit modular në Tetovë.
Burim: Portalb, https://portalb.mk/azir-aliu-largohet-nga-ministria-e-shendetesise-pa-e-realizuar-investimin-prej-74-milione-eurove-ne-spitalin-e-tetoves/
— Redaksia ZHURMA