Avdullahu: Jemi të zhgënjyer, është dashur ta fitojmë ndeshjen

Reprezentuesi i Kosovës, Leon Avdullahu, ka shprehur zhgënjimin e tij pas barazimit pa gola kundër Izraelit në Prishtinë. Në një prononcim për «Klan Kosova», mesfushori i Hoffenheimit deklaroi se «Dardanët» e kishin ndeshjen nën kontroll deri te përjashtimi i Veldin Hoxhës me karton të kuq.

Sipas tij, ekipi kishte krijuar mundësi para daljes së lojtarit me karton të kuq, por pas atij momenti skuadra u përqendrua te mbrojtja dhe pati më pak raste. Avdullahu theksoi se takimi duhej fituar, ndërsa për sigurimin e vendit të dytë Kosovës i duhet fitorja në udhëtim ndaj Irlandës në Dublin.