Pse hyn autostrada Ohër–Kërçovë në fazën përfundimtare?
Ndërtimi i autostradës Ohër–Kërçovë po ecën me dinamikë të shkëlqyer, njoftoi kryeministri Hristijan Mickoski
SHKUP — Maqedonia po përshpejton, ndërtimi i autostradës Ohër–Kërçovë po hyn në fazën përfundimtare dhe po ecën me dinamikë të shkëlqyer, njoftoi kryeministri Hristijan Mickoski. Galeria e parë nga gjithsej 14 është përfunduar plotësisht dhe është asfaltuar; një vepër e vërtetë inxhinierike, e cila kërkon zgjidhje të larta ndërtimore, veçanërisht për shkak të terrenit kompleks malor nëpër të cilin kalon traseja e autostradës.
Sipas tij, me intensitet të lartë po punohet edhe në tunele, ku aktivitetet ndërtimore janë në fazën përfundimtare. Deri më tani, 34 kilometra të autostradës janë vënë në funksion, duke arritur standardet më të larta të sigurisë dhe cilësisë dhe përdoren çdo ditë nga qytetarët.
Mbetemi plotësisht të përkushtuar për përfundimin e këtij projekti shumë të rëndësishëm kapital brenda afatit të parashikuar. Ky nuk është vetëm një projekt, kjo është një autostradë që lidh qytetarët, krijon mundësi të reja për ekonominë, turizmin dhe zhvillimin e përgjithshëm ekonomik të vendit, shkroi Mickoski.
Burim: TV21, https://tv21.tv/mickoski-ndertimi-i-autostrades-oher-kercove-hyn-ne-fazen-perfundimtare/
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.