Arrestohet një person në Klinë pasi dyshohet se qëlloi me armë në ajër

Policia e Kosovës ka arrestuar një person të dyshuar për veprën penale „mbajtja në pronësi, kontroll ose posedim i paautorizuar i armës“. Stacioni Policor në Klinë është njoftuar se një person nga automjeti kishte shtënë me armë zjarri në ajër dhe ishte larguar nga vendi i ngjarjes.

Policia ka dalë në vendin e ngjarjes, ku janë gjetur katër gëzhoja. Pas një pune intensive nga hetuesit, i dyshuari është identifikuar dhe arrestuar, ndërsa prej tij janë sekuestruar një revole me gas dhe një karikator. Pas intervistimit nga hetuesit, me urdhër të prokurorit të shtetit, i dyshuari është liruar në procedurë të rregullt.