Arrestohen gjashtë shqiptarë në Belgjikë për kultivim kanabisi
Operacioni i policisë belge çoi në zbulimin e tre plantacioneve dhe sekuestrimin e mijëra bimëve narkotike.
Redaksia ZHURMA · · Përditësuar · 1 min lexim
Policia në Belgjikë zhvilloi një operacion gjatë të cilit goditi një rrjet të dyshuar për kultivimin e paligjshëm të kanabisit, duke ushtruar kontrolle në pesë banesa dhe adresa në zonat Etterbeek, Evere, Leuven, Overijse dhe Tervuren. Aksioni u shtri në kuadër të tri rretheve gjyqësore, përkatësisht në Leuven, Halle-Vilvoorde dhe Bruksel, si pjesë e një hetimi ndaj një organizate kriminale.
Gjatë kontrollemërimeve, autoritetet zbuluan tre plantacione profesionale kanabisi, prej të cilave dy ishin në funksion të plotë. Në vendngjarje u sekuestruan më shumë se 2 mijë bimë kanabisi, rreth 55 kilogramë drogë e korrur dhe mbi 17 mijë euro para të gatshme, ndërsa të gjitha plantacionet u çmontuan për t'u shkatërruar lënda narkotike.
Si pasojë e këtij operacioni u arrestuan gjashtë shtetas shqiptarë të moshave nga 29 deri në 57 vjeç. Të dyshuarit u dërguan para gjyqtarit hetues, i cili vendosi ndaj tyre masën e sigurisë arrest me burg, ndërsa hetimet e mëtejshme për zbardhjen e aktivitetit kriminal vijojnë.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar