Arbnor Aliu beson te kualifikimi i Llapit në Evropë

Mbrojtësi i klubit të futbollit Llapi, Arbnor Aliu, deklaroi se objektivi kryesor i skuadrës nga Podujeva për këtë sezon mbetet kualifikimi në garat evropiane, pavarësisht se ekipi ka grumbulluar vetëm pesë pikë deri më tani. Futbollisti 23-vjeçar ka realizuar dy gola dhe një asistim gjatë këtij edicioni.

Arbnor Aliu u transferua te Llapi në verën e vitit 2025, pasi më parë kishte luajtur në Gjermani me skuadrat Schalke 04, Holstein Kiel dhe Hansa Rostock. Në rrethinat e përfaqësueseve, ai ka luajtur për moshat U15 deri U18 të Gjermanisë, përpara se të zgjidhte të luante për Kosovën në nivelin U21.

Lojtari shpjegoi se përshtatja e tij te skuadra podujevase ka qenë e shpejtë falë mirëpritjes nga bashkëlojtarët dhe besimit të dhënë nga trajneri Tahir Batatina. Aliu tregoi se vendimi për të kaluar në Superligën e Kosovës erdhi si dëshirë për një kapitull të ri në karrierë, ndërsa u shpreh i kënaqur me përparimin e bërë pas gati një viti e gjysmë. Përveç detyrave si qendërmbrojtës, ai ka ndihmuar ekipin edhe në fazën ofensive, pasi ka përvojë edhe në pozicionin e mesfushës. Sa i përket të ardhmes, mbrojtësi synon të mbyllë një edicion të suksesshëm dhe të realizojë një transferim jashtë vendit.

Pavarësisht ecurisë së deritanishme të ekipit, Aliu vlerëson se Llapi beson te kualifikimi në Evropë sepse ka cilësinë e nevojshme për të ndryshuar rezultatet. Në planin përfaqësues, ai shpreson që në të ardhmen të ftohet përsëri për të luajtur me me Kosovën.

Mbrojtësi 23-vjeçar shprehu mirënjohjen e tij për drejtuesit e klubit dhe stafin teknik për mbështetjen e vazhdueshme: «E ndiej veten shumë mirë dhe jam shumë i lumtur që jam pjesë e Llapit, sepse që nga dita e parë jam pritur mirë nga klubi dhe bashkëlojtarët. Një rol të rëndësishëm ka pasur trajneri Tahir Batatina, i cili ka pasur besim tek unë dhe më ka dhënë mundësinë».

Rreth vendimit për të luajtur me përfaqësuesen dardanët në nivelin e moshave, ai theksoi: «Është një ndjenjë shumë e veçantë. Ka qenë një vendim që e kam marrë me zemër. Shpresoj që në të ardhmen të kem mundësi ta përfaqësoj vendin tim, sepse besoj se është një ëndërr për çdo futbollist të përfaqësojë vendin e tij».

Lidhur me synimet e ardhshme në karrierën personale, Aliu u shpreh: «Objektivi im kryesor është të kem një sezon të mirë. Normalisht, si çdo futbollist, kam qëllimin të arrij sa më lart. Shpresoj që të mund të realizoj një transferim jashtë vendit».