Aksident në Tiranë, urbani përplaset me një automjet te rruga “Bardhyl”

TIRANË — Një aksident rrugor është regjistruar mëngjesin e sotëm në rrugën “Bardhyl” në Tiranë. Sipas informacioneve paraprake, drejtuesi i një automjeti, i cili dyshohet se po lëvizte me shpejtësi, është përplasur me një urban të linjës së Linzës. Pas përplasjes, urbani ka goditur edhe një motor që ishte i parkuar në anë të rrugës, ndërsa ka dalë nga rruga duke dëmtuar edhe pemë e një semafor.

Përplasja ka shkaktuar dëme materiale. Fatmirësisht, nga ngjarja nuk raportohet për persona të lënduar, ndërsa rrethanat dhe shkaqet e sakta të aksidentit mbeten ende për t’u sqaruar nga autoritetet.