Çfarë premton Abdixhiku për TVSH-në e produkteve bazike?
Kandidati i LDK-së për kryeministër zotohet se do të ulë çmimet e miellit, vajit, sheqerit dhe bukës.
SUHARËKË — Lumir Abdixhiku, kandidati i LDK-së për kryeministër, ka premtuar heqjen e TVSH-së dhe uljen e çmimeve në produktet bazike nëse vjen në pushtet. Gjatë fushatës në Suharekë dhe Lipjan, ai tha se do të eliminojë taksën për miell, vaj, sheqer dhe bukë.
"Do të bëjmë çmos që të heqim jo vetëm TVSH-në në produkte bazike, por edhe të ulim çmimet e rënduara në këto 5 vite", ka thënë Abdixhiku në një video të publikuar.
Prezantimi i programit qeverisës nëpër qytete ka qenë pjesë e strategjisë së fushatës së tij për zgjedhjet e 2026-s.
Burim: Zëri
— Redaksia ZHURMA