A janë këta gërrnaçat e Valon Sylës - tensionet në Kuvend dhe fytyra e vërtetë e mërgatës

A janë të gjithë mërgimtarët gërnaça?
Jo.

A janë gërnaça mërgimtarët që sot sulmuan deputetët?
Po.

Ky është pak a shumë thelbi i asaj që gazetari Valon Syla e tha vite më parë, pa e zbutur dhe pa e ekzagjeruar. Ai nuk i quajti kurrë të gjithë mërgimtarët “gërnaça”. E theksoi qartë: jo diaspora si e tërë, por ajo kategori e veçantë që jeton jashtë me trupin, por me mendjen e ngrirë në sharje, mllef dhe reagime të dhunshme.

Ata që nuk integrohen, që e shohin çdo debat si arsye për të sulmuar, dhe që ndonjëherë e shprehin “patriotizmin” me grusht e fjalor të rëndë. Deklarata e tij nxiti reagime të forta, madje edhe sulm fizik ndaj tij. Por sot, skena në Kuvend ia ktheu fjalën në aktualitet.

Mërgata erdhi për aktivitetin simpatik “Bashkatdhetarët në Kuvend”.

Një pjesë e saj, fatkeqësisht, e ktheu vizitën në përplasje me deputetët e PDK-së dhe AAK-së. Shtytje, tensione, eskalim. Jo të gjithë. Jo shumica.

Por ata që e bënë këtë, po, hyjnë pikërisht në përshkrimin që Syla dha: persona që e trajtojnë institucionin si arenë dhe jo si shtëpi të përbashkët.

Pra, formula është e thjeshtë dhe e drejtë:
Të gjithë mërgimtarët?

Jo.
Ata që sot e kaluan kufirin dhe sulmuan deputetët?

Po.

Valon Syla e tha dikur. Sot Kuvendi e tregoi vetë.

Diaspora mbetet aset i jashtëzakonshëm i Kosovës – remitanca, vota, energji, etj...Por kur një pjesë e saj e kalon kufirin e dhunës, termi “gërnaç” nuk është ofendim… është përshkrim.