Zemaj: Procesi ishte demokratik, koalicionin me VV-në e vendos grupi parlamentar
Nismëtari i mocionit për shkarkimin e Abdixhikut thotë se vendimin për koalicion me VV-në do ta marrë grupi parlamentar i LDK-së.
PRISHTINË — Deputeti i LDK-së Armend Zemaj, nismëtari i kërkesës për shkarkimin e Abdixhikut, tha se procesi ishte demokratik pas mbylljes së Kuvendit të përgjithshëm të LDK-së. Sipas tij, 170 delegatë votuan kundër shkarkimit, 152 votuan pro, ndërsa 5 abstenuan — rezultat me votë të fshehtë.
Zemaj tha se u miratua edhe një deklaratë politike, të cilën e konsideroi jo të nevojshme, por theksoi se partia doli e bashkuar nga procesi, pavarësisht ndarjes te votimi për shkarkimin e Abdixhikut.
Për një koalicion të mundshëm mes VV-së dhe LDK-së, Zemaj tha se vendimin do ta marrë grupi parlamentar i LDK-së, pasi të mblidhet e të diskutojë. "Unë jam unik me vetveten edhe LDK-në", tha ai.
Burim: Gazeta Metro
— Redaksia ZHURMA