Kë dëshiron Yamal te Barcelona këtë verë?
18-vjeçari do ta mirëpriste Julian Alvarezin te Barcelona, ndërkohë që Atletico Madridi refuzoi ofertën e Real Madridit prej 150 milionë eurosh.
BARCELONA — Lamine Yamal, 18-vjeçari i Barcelonës dhe ylli i Kombëtares Spanjolle, zbuloi se do të donte ta shihte sulmuesin e Atletico Madridit, Julian Alvarez, te "Camp Nou" gjatë afatit kalimtar të verës. "Do të më pëlqente, sepse është futbollist i madh. Nëse vjen, do ta presim me krahë hapur," deklaroi ai për Cadena SER.
Barcelona tashmë ka siguruar Anthony Gordon nga Newcastle United, por Yamal shpreson për afrime të tjera. Klubi katalanas synon të forcojë skuadrën për sezonin e ardhshëm, pasi fitoi titullin e dytë radhazi në La Liga nën drejtimin e Hansi Flick.
Edhe vetë Julian Alvarez ka lënë të kuptohet se do ta mirëpriste një transferim te Barcelona. Interes për argjentinasin kanë shfaqur Paris Saint-Germain, Arsenal dhe Real Madrid — madje "Los Blancos" panë një ofertë prej 150 milionë eurosh të refuzohej nga Atletico Madridi këtë muaj.
Për momentin, Yamal e ka fokusin te Kupa e Botës me Spanjën, e cila do të përballet me Austrinë në fazën e 1/16 të finales. "Ende nuk kemi zhvilluar një ndeshje vërtet të madhe, por jam i bindur se kur të arrijmë nivelin tonë maksimal, do të jemi pothuajse të pandalshëm," tha ai.
Burim: Gazeta Express
— Redaksia ZHURMA