Vrasja në Lushnjë, djali vret nënën dhe plagos babanë me sqepar

LUSHNJË — Një ngjarje e rëndë ka ndodhur mbrëmjen e kësaj të hëne në fshatin Zhymë të Lushnjës, ku një person ka vrarë nënën e tij dhe ka plagosur rëndë të atin duke i goditur me sqepar.

Autori, i identifikuar si Florjan Dalladaku, është larguar nga vendngjarja dhe dyshohet se vuan nga probleme të shëndetit mendor. Policia ka rrethuar zonën dhe ka ngritur postblloqe për ta kapur atë.

Ngjarja ka shkaktuar tronditje në zonë, ndërsa grupi hetimor ka mbërritur në vendngjarje për të zbardhur rrethanat e krimit.