Portieri më i mirë i Botërorit kalon te Colo Colo
Portieri senzacion i Kupës së Botës 2026 do të bëhet lojtar i ri për klubin ikonik kilian
SANTIAGO — Portieri Vozinha senzacion i Kupës së Botës 2026, do të bëhet lojtar i ri për klubin ikonik kilian, Colo Colo. Vozinha do të gjejë kështu një punë të re pas performancave të tij mbresëlënëse në Kupën e Botës, ku u zgjodh si portieri më i mirë i turneut.
Colo Colo ka qenë kampion i Kilit plotë 34 herë, ka fituar Kupën 14 herë dhe Superkupën katër herë. Ata gjithashtu kanë një trofe të Kupës Libertadores dhe u mposhtën në finale nga Crvena Zvezda në Kupën e Botës për Klube më 1991.
Vozinha ishte pa klub në Kupën e Botës sepse kontrata e tij me Chaves skadoi, dhe ai luajti gjithashtu për Trencin, AEL Limassol, Gil Vicente dhe Zimbra në Evropë, si dhe për Progresso në Angola dhe CS Mindelans dhe Batuque në vendlindjen e tij.
Për ekipin kombëtar të Kepit të Gjelbër, ai mbrojti në 92 ndeshje dhe pësoi 86 gola, si dhe mbajti portën e paprekur në 37 ndeshje. Në Kupën e Botës, ai mbrojti në katër ndeshje dhe pësoi katër gola, dhe skuadra e tij nuk humbi asnjë ndeshje në pjesën e rregullt të ndeshjes, edhe pse luajti kundër finalistëve të Kupës së Botës, Spanjës dhe Argjentinës.
Burim: TV21
— Redaksia ZHURMA