Votat e diasporës në SHBA: Lëvizja Vetëvendosje kryeson bindshëm
Si u ndanë votat e kosovarëve në Washington dhe New York dhe cilët janë kandidatët më të votuar në këto qendra?
PRISHTINË — Në Qendrën e Numërimit dhe Rezultateve po vazhdon numërimi i votave nga diaspora për zgjedhjet në Kosovë. Deri më tani janë përditësuar të dhënat për mbi 65 për qind të vendvotimeve nga 30 përfaqësi diplomatike, përfshirë ato nga Washingtoni dhe New Yorku në Shtetet e Bashkuara.
Sipas të dhënave të Komisionit Qendror të Zgjedhjeve, në vendvotimin e vetëm në Ambasadën e Kosovës në Washington, Lëvizja Vetëvendosje mori 47 vota. Pas saj renditet Partia Demokratike e Kosovës me 8 vota dhe Lidhja Demokratike e Kosovës me 6 vota, ndërsa partitë e tjera nuk morën asnjë votë.
Në këtë ambasadë, kandidatët më të votuar nga radhët e Vetëvendosjes janë Albin Kurti, Glauk Konjufca, Albulena Haxhiu, Hajrulla Çeku dhe Donika Gërvalla. Ndërkaq, te PDK-ja më së shumti vota morën Vlora Çitaku dhe Arben Mustafa, kurse te LDK-ja kryesojnë Vjosa Osmani, Doarsa Kica-Xhelili dhe Avdullah Hoti.
Në Konsullatën e Kosovës në New York, Lëvizja Vetëvendosje siguroi 503 vota, e ndjekur nga Lidhja Demokratike e Kosovës me 51 vota, PDK me 22 vota dhe Aleanca me 15 vota. Ndërkohë, Partia Socialdemokrate ka marrë 2 vota, kurse Partia Fjala ka siguruar vetëm 1 votë të vetme.
Sa i përket kandidatëve në New York, Albin Kurti dhe Glauk Konjufca prijnë te VV-ja. Te LDK-ja më të votuarit janë Vjosa Osmani dhe Lumir Abdixhiku, te PDK-ja Bedri Hamza e Uran Ismaili, te AAK-ja Ramush Haradinaj, ndërsa gjashtë kandidatët e PSD-së morën nga 1 votë secili.
Burim: Demokracia
— Redaksia ZHURMA