Vllaznia mposht Dinamon dhe largohet nga fundi i renditjes në Superligë

Vllaznia ka regjistruar fitoren e parë në Superligën shqiptare për këtë sezon, duke arritur të largohet për momentin nga fundi i renditjes pas një dueli të suksesshëm. Ekipi shkodran, që mban mbi shpinë fanelën e ekipit më të vjetër të futbollit në vend, ia doli të mposhtë Dinamo City me rezultatin 1-0 në stadiumin “Loro Boriçi”.

Kjo ndeshje shënoi edhe debutimin e trajnerit të ri, hungarezit Çaba Laslo, i cili pasoi Edi Martinin në stol. Fitorja për shkodranët u sigurua falë një goli të bukur të shënuar nga Edon Murataj që në pjesën e parë të takimit, saktësisht në minutën e 31-të.