Pse u shtua unaza e kampionit për fituesit e Kupës së Botës?
FIFA njoftoi një traditë të re në turneun më prestigjioz të futbollit me 30 unaza personalizuara për skuadrat fituese
Burim: ATSH
— Redaksia ZHURMA
Për herë të parë në historinë e Kupës së Botës, skuadra që do të fitojë finalen e së dielës mes Spanjës dhe Argjentinës do të shpërblehet jo vetëm me trofeun dhe medaljet e arta, por edhe me unazën e kampionit, sipas Reuters.
FIFA njoftoi se kjo risi synon të krijojë një traditë të re në turneun më prestigjioz të futbollit. Sipas FIFA-s, 30 unaza të personalizuara do t’i ndahen ekipit fitues.
Menjëherë pas finales, kapiteni dhe trajneri do të marrin versione të përkohshme të unazave, ndërsa modelet përfundimtare do të personalizohen me identitetin e skuadrës kampione dhe do t’u dorëzohen më vonë.
Në njërën anë të unazës do të jetë i gdhendur trofeu i Kupës së Botës, ndërsa ana tjetër do të përmbajë elemente që lidhen me ekipin fitues. Unazat e lojtarëve do të jenë pjesë e një serie të kufizuar prej 2 026 copësh të numeruara.
Nga kjo seri, 1 996 unazat e mbetura do të dalin në shitje për tifozët në mbarë botën si produkte zyrtare të licencuara nga FIFA.