Trump akuzon LeBron James për mosrespektim të himnit kombëtar të SHBA-së
Presidenti amerikan ka reaguar ndaj superyllit të NBA-së përmes një postimi në rrjetin social Truth Social.
Redaksia ZHURMA · · 1 min lexim
Superylli i basketbollit në NBA, LeBron James, është vënë në shënjestër të kritikave nga presidenti i Shteteve të Bashkuara të Amerikës, Donald Trump, pas një ndeshjeje të fundit. Sipas kreut të shtetit, lojtari ka shfaqur sjellje të pahijshme dhe nuk e ka respektuar vendin gjatë ekzekutimit të himnit kombëtar. Pakënaqësia është shprehur përmes rrjetit social Truth Social, ku është publikuar edhe një video që shfaq lëvizjet e trupit të basketbollistit gjatë intonimit të himnit.
Në mesazhin e tij publik, Trump ka theksuar: «Ndërsa dëgjon Himnin tonë Kombëtar, LeBron James nuk e respekton vendin tonë». Më tej, presidenti amerikan ka kërkuar që sportisti të ndërmarrë një hap publik: «LeBron James duhet t’u kërkojë falje të gjithë atyre Luftëtarëve dhe Heronjve të Mëdhenj Amerikanë që vdiqën për Flamurin Amerikan dhe për gjithçka që përfaqëson vendi ynë».
