Tri ilaçe antikoagulante shtohen në listën pozitive të barnave
Sa zbriten çmimet e këtyre antikoagulantëve për pacientët e Maqedonisë?
SHKUP — Tri ilaçe antikoagulante — Enoksaparin, Nadroparin dhe Rivaroksabani — do të shtohen në listën pozitive të barnave të Maqedonisë që nga 1 korriku, duke ulur ndjeshëm shpenzimet e pacientëve. Deri më tani këto ilaçe kushtojnë ndërmjet 1.160 dhe 2.700 denarësh, por me përfshirjen në listën pozitive, çmimi do të zbritet në 160-240 denarë, ndërsa njëri do të jetë pa pagesë, sipas njoftimit të Sasho Klekovskit, drejtorit të Fondit për Sigurim Shëndetësor.
Për Enoksaparinin dhe Nadroparinin, të siguruarit do të kenë mundësi zgjedhjeje: një version pa pagesë ose një version tjetër me pjesëmarrje prej 160 deri në 240 denarësh, në varësi të madhësisë dhe peshës së paketës. Rivaroksabani, i cili përfshihet për herë të parë në listën pozitive, do të jetë i arritshëm me pjesëmarrje fillestare ndërmjet 105 dhe 505 denarësh, duke kursyer 1.752 denarë për pako krahasuar me çmimin aktual.
Rivaroksabani do të bëhet i arritshëm në farmaci nga janar 2027, ndërsa dy ilaçet e tjera do të jenë të disponueshme nga 1 korriku. Zgjerimi i listës pozitive vjen pas denoncimeve se këto antikoagulantë shiteshin në farmaci pa rekomandim të mjekëve specialistë. Nga tani e tutje, përdorimi i tyre do të kërkojë domosdoshmërisht rekomandim mjekësor.
Burim: Alsat-M
— Redaksia ZHURMA