Pse 'Teatri i Abskurtit' i artistit I Am I kritikon pushtetin e Kurtit?
Revolta artistike e I Am I tregon teatrin dhe shtetin si dy rrënoja që 'restaurohen' pa arritur të funksionalizohen, ndërsa Kurti futet në zgjedhje të njëpasnjëshme me kosto milionshe
Redaksia ZHURMA · · Përditësuar · 1 min lexim
PRISHTINË — Revolta artistike 'Teatri i Abskurtit – repriza e 4-tërt' e artistit I Am I tregon teatrin dhe shtetin si dy rrënoja që 'restaurohen' paralelisht pa arritur kurrë të funksionalizohen. Teatri Kombëtar vazhdon të mbetet nën skele dhe nën afate të shtyra me miliona euro shtesë, ndërsa republika futet në zgjedhje të njëpasnjëshme me kosto milionshe, duke ricikluar të njëjtën krizë si 'ritual demokratik' dhe duke e shndërruar demokracinë në një mekanizëm ritual të riciklimit të kolapsit.
Tri palë zgjedhje brenda një viti dhe një teatër në renovim prej tre mandatesh prodhojnë të njëjtën metaforë politike dhe alegori artistike, një republikë që jeton vetëm në formën e reprizës së krizës. Asgjë nuk përfundon, sepse papërfundueshmëria është bërë mekanizëm qeverisës i pushtetit të Kurtit.
Institucionet nuk funksionojnë, ato improvizojnë ekzistencën e tyre dhe 'TEATRI I ABS'KURTIT' është shfaqje e këtij cikli patologjik, ku shteti dhe teatri ngjajnë si një skenë e vetme e rrënuar që vazhdon të japë repriza të pafundme të së njëjtës dramë politike. Artist & Koncept: I Am I
*Burim: Nacionale, https://nacionale.com/politike/revolta-artistike-e-artistit-i-am-i-teatri-i-abskurtit-repriza-e-4-tert*
— Redaksia ZHURMA
