Mbi 3.5 milionë euro për kartonin e Shpendit
Klubi italian Padova i ofron mbi 3.4 milionë euro për sulmuesin shqiptar
PRISHTINË — Stiven Shpendi është një nga elementët më të spikatur të sezonit të kaluar në Serinë B. Sulmuesi shqiptar e mbylli kampionatin si një ndër golashënuesit më të mirë, teksa me golat e tij i dha një ndihmë të jashtëzakonshme Empolit.
Lojtari kuqezi ka tërhequr vëmendje në tregun italian. Një nga ekipet e interesuara për shërbimet e tij është edhe Padova. Sipas mediave italiane, aspekti financiar nuk do të jetë problem për Padovën.
Klubi në fjalë është i gatshëm të paguajë mbi 3.4 milionë euro për kartonin e Shpendit. Një ofertë e tillë është e mirëpritur për drejtuesit e skuadrës toskane, por pengesa e vetme mbetet bindja e vetë lojtarit. Talenti shqiptar ka lënë në pritje Padovën, pasi po synon kalimin në Serinë A, kampionat nga i cili nuk mungojnë interesimet. Burim: Sportekspres, https://sportekspres.com/mbi-3-5-milione-euro-per-kartonin-e-sulmuesit-shqiptar-klubi-italian-hidhet-ne-aventure-per-shpendin/
— Redaksia ZHURMA