Statuja e John Lennon në Penny Lane pritet të shitet për 100 mijë paund
Skulptura prej bronzi e John Lennon, e ekspozuar në Penny Lane të Liverpulit, do të dalë në ankand më 29 shtator.
Një skulpturë prej bronzi e John Lennon, e vendosur në Penny Lane të Liverpulit, do të nxirret në ankand më 29 shtator. Vlera e saj pritet të arrijë deri në 100 mijë paund, sipas vlerësimit të shtëpisë e ankandeve Omega.
Vepra, e krijuar nga artistja e ndjerë Laura Lean, është ekspozuar pranë Kishës së Shën Barnabës që prej gushtit 2022. Ajo është në madhësi reale dhe e paraqet ish-anëtarin e Beatles të mbështetur mbi një simbol paqeje me fjalën “Imagine”.
Pas shitjes, në të njëjtin vend do të vendosët një kopje e ngjashme. Penny Lane u bë e famshme falë këngës me të njëjtin titull të Beatles, e publikuar në 1967. Në ankand do të ofrohen gjithashtu sende të tjera të lidhura me Beatles, përfshirë albume, autografe dhe fotografi.