Pse shkelohen perimetrit e sigurisë në plazhet shqiptare?

— Në plazhet shqiptare, shkelja e perimetrit të sigurisë po vazhdon të jetë problematikë, duke rrezikuar jetën e pushuesve. Një mjet lundrues jet ski u konstatua brenda perimetrit në zonën e Gjirit të Sarandës, aty ku po laheshin pushuesit, duke rrezikuar jetën e tyre. Nga patrullimet e Policisë Kufitare të Vlorës, edhe në zonën e Gjirit të Ksamilit u konstatua një tjetër jet ski, drejtuesi i të cilit kishte thyer rregullat e lundrimit.

Nga ana e Policisë Kufitare Vlorë u vendos masa maksimale me vlerë 500 mijë lekë për secilin prej tyre. Shkelja e perimetrit të sigurisë, prej nisjes së sezonit turistik, është konstatuar më shumë në plazhet e jugut të vendit. Nga ana e Drejtorisë së Kufirit Vlorë janë ndëshkuar 10 drejtues mjetesh lundruese, 2 në Durrës dhe 2 raste të tjera në Shkodër.

Sipas të dhënave të policisë, në 9 raste janë aplikuar gjoba maksimale me vlerë 500 mijë lekë, ndërsa 5 të tjerët janë ndëshkuar me gjoba nga 100 deri në 150 mijë lekë. Burim: Telegrafi
— Redaksia ZHURMA