Si kërcënon briga e brendshme e LDK-së ndërtimin e institucioneve?

PRISHTINË — Ish-deputeti i Lidhjes Demokratike të Kosovës (LDK), Berim Ramosaj, ka deklaruar se ata që brenda partisë po e kundërshtojnë koalicionin me Lëvizjen Vetëvendosje i bie që të jenë kundër ndërtimit të institucioneve të reja. Sipas tij, kryetari i LDK-së, Lumir Abdixhiku, ka treguar pjekuri politike duke vendosur të ndërpresë përkohësisht dialogun me VV-në për një marrëveshje të mundshme, shkaku i nismës për shkarkimin e tij.

Në emisionin "Interaktiv", Ramosaj e vlerësoi ndërprerjen përkohësisht të dialogut si sjellje të pjekur politike. "Qasja e Abdixhikut për ndërprerjen e përkohshme të kësaj marrëveshjeje eventuale e shoh si sjellje të pjekur politike. Ai kishte të drejtë të vazhdonte dialogun me qëllim të ndërtimit të institucioneve, por tregoi ndjeshmëri ndaj përgjegjësisë politike që ka. Reflektimi i tij më ka lënë përshtypje pozitive", ka thënë Ramosaj.

Megjithatë, ai kritikoi grupet brenda LDK-së që po kërkojnë votëbesim ose shkarkimin e kryetarit, duke vlerësuar se veprime të tilla në këtë fazë dëmtojnë procesin e krijimit të institucioneve. Ramosaj ka thënë se çështjet e brendshme të partisë do të duhej të liheshin për një periudhë më të qetë, në mënyrë që prioritet t’i jepej formimit të institucioneve, për të cilin, sipas tij, kanë votuar edhe qytetarët.

Sipas tij, çdo zgjidhje që kontribuon në tejkalimin e krizës dhe funksionalizimin e institucioneve meriton mbështetje, pavarësisht zhvillimeve të brendshme politike, sepse qytetarët kanë votuar për formimin e tyre.

Ramosaj theksoi se nuk ka alternativa të tjera të një koalicioni me VV-në: "Nëse ata janë kundër koalicionit me Vetëvendosjen, i bie që janë kundër ndërtimit të institucioneve. Po të kishte alternativa të tjera, kjo qasje do të kishte kuptim. Por është e qartë se PDK-ja është përcaktuar të mbetet në opozitë dhe Aleanca gjithashtu, prandaj rreziku për bllokadë institucionale është shumë i madh."

Ky pozicion e pasqyron krizën e thellë të brendshme në LDK dhe dilemat e Abdixhikut rreth të ardhmës së partidës dhe rolit të saj në qeveri.

Rreziku i bllokadës institucionale rron pranë, dhe Ramosaj e bën të qartë: mosqeverisja nuk është opsion, ndërsa koha për vendime të vështira është tani.

Burim: Koha.net
— Redaksia ZHURMA