Dyfishohen pagesat për 10 mijë fëmijë me aftësi të kufizuara

TIRANË — Shërbimi Social Shtetëror ka dalë me një sqarim për zbatimin e vendimit të Këshillit të Ministrave, të miratuar më 22 korrik, që parashikon ndryshime në përfitimet për personat me aftësi të kufizuara dhe ndihmësit e tyre personalë. Vendimi i Këshillit të Ministrave parashikon që këto ndryshime hyjnë në fuqi me efekt financiar nga 1 korriku 2026.

Sipas institucionit, përfituesit do të marrin pagesën sipas vlerave të reja, së bashku me diferencën që u takon për muajin korrik. Shërbimi Social Shtetëror siguron të gjithë përfituesit se asnjë e drejtë e fituar nuk do të cenohet dhe çdo përfitim do të zbatohet sipas përcaktimeve të vendimit.

Shërbimi Social Shtetëror falenderon çdo përfitues për mirëkuptimin dhe ju siguron se zbatimi i këtij vendimi do të kryhet në mënyrë të plotë, duke garantuar respektimin e të drejtave për çdo qytetar. Paketa e re parashikon dyfishimin e pagesës për mbi 10 mijë fëmijë me aftësi të kufizuara, njohjen e periudhës së shërbimit si vite kontributi për rreth 14 mijë e 600 ndihmës personalë.

Edhe pse vendimi është miratuar më 22 korrik, ai hyn në fuqi me efekt financiar nga 1 korriku 2026. Kjo do të thotë se duke nisur nga 1 gushti, përfituesit do të marrin pagesën sipas vlerave të reja, së bashku me diferencën që u takon për muajin korrik.

Një paketë e tillë parashikon ndryshime thelbësore në përfitimet për personat me aftësi të kufizuara dhe ndihmësit e tyre personalë, duke përfshirë edhe lehtësimin e procedurave të KEMP-it për rastet kur përfitimi është shumëvjeçar.

Burim: Gazeta Tema, https://www.gazetatema.net/sociale/sherbimi-social-ne-gusht-pagesat-e-reja-per-personat-me-aftesi-te-kufizu-i575668
— Redaksia ZHURMA