Sadiku synon medaljen e artë pas fitores në çerekfinale

Donjeta Sadiku ka bërë të qartë se objektivi i saj në Lojërat Mesdhetare “Taranto 2026” është medalja e artë. Pas triumfit në çerekfinale të kategorisë deri në 60 kilogramë ndaj turkes Esmanur Lok, ajo siguroi medaljen e parë për Kosovën në këto lojëra dhe një vend në gjysmëfinale.

Sadiku u shpreh për KosovaPress se meçi ka shkuar ashtu siç e kishte planifikuar së bashku me trajneren e saj, Marjola Sallaukën, të cilën e falënderoi. Ajo falënderoi edhe sportistët e tjerë dhe komunitetin e Kosovës që e mbështetën nga tribunat.

“Unë kam ardhur këtu për një synim tjetër, që të siguroj medaljen e artë”, tha ajo.