Rojet e Ara Club në Shëngjin dhunojnë të riun para performancës së Ledri Vulës dhe Era …

Një sherr me grushte ka ndodhur mbrëmjen e djeshme në ambientet e “Ara Club” në Shëngjin. Pamjet e publikuara nga JOQ tregojnë momentet e tensionit, teksa disa persona përfshihen në konflikt dhe situata del jashtë kontrollit.

Në përleshje janë përfshirë pjesëtarë të sigurisë private, duke thelluar dhe më shumë skandalin me rastet e fundit, ku truprojat janë bërë pjesë e konflikteve, e madje dhe autor vrasjesh siç ishte rasti i Ksamilit.

Konflikti te Ara në Shëngjin ka ndodhur pak minuta përpara se të niste performanca e Ledri Vulës dhe Era Istrefit, që ishin të ftuar special të mbrëmjes. Deri në këto momente nuk ka një njoftim zyrtar që të sqarojë motivin e konfliktit, nëse ka persona të dëmtuar apo nëse policia ka ndërhyrë për të shoqëruar protagonistët e sherrit.

Pamjet e incidentit kanë nisur të qarkullojnë në rrjetet sociale.