Revista franceze veçon nëntë mrekullitë e Shqipërisë turistike
Revista franceze Quartz ka përzgjedhur nëntë vendet më të bukura të Shqipërisë që meritojnë të zbulohen.
SARANDË — Shqipëria po kthehet gjithnjë e më shumë në një destinacion të preferuar për turistët e huaj, nga Alpet madhështore te ujërat e kristalta të Rivierës. Kështu shkruan Ambia Staley në botimin francez të revistës së udhëtimeve “Quartz”, e cila ka përzgjedhur nëntë vendet më të bukura të vendit që sipas ekspertëve të turizmit meritojnë të zbulohen të paktën një herë.
Sipas shkrimit, shumica e turistëve që planifikojnë një vizitë në Ballkan ende zgjedhin destinacionet e njohura bregdetare në Kroaci ose Mal të Zi. Megjithatë, Shqipëria ofron male spektakolare dhe një vijë bregdetare që mund të rivalizojë destinacionet e Mesdheut, ndërsa industria e saj turistike është zhvilluar me shpejtësi vitet e fundit me çmime më të ulëta për ushqimin dhe akomodimin.