Çfarë do të vuloset nesër në negociatat e Shqipërisë me BE-në sipas Ramës?

DURRËS — Kryeministri Edi Rama deklaroi se Shqipëria është më afër se kurrë Bashkimit Evropian, në prag të konferencës ndërqeveritare Shqipëri-BE që do të mbahet nesër në Bruksel.

Nga Durrësi, ku merrte pjesë në 35-vjetorin e Partisë Socialiste, Rama tha se konferenca do të "vulosë hapjen e fazës përmbyllëse të negociatave". Sipas tij, Shqipëria ka hapur të gjitha kapitujt "në kohë rekord" dhe tanimë "konsiderohet e gatshme" për mbylljen e tyre.

Rama shtoi se qëllimi i përbashkët është që negociatat e anëtarësimit të mbyllen brenda vitit 2027. "Është një majë që tani e prekim me sy dhe rrugën e kemi të piketuar", ka thënë ai.

Konferenca e nesërme zhvillohet sipas kalendarit të miratuar më herët.

Burim: Zëri
— Redaksia ZHURMA