Pse Qeveria mori vendim për ndërprerjen e mandatit të kryetarit të Komunës së Bërvenicës?

— Në mbledhjen e sotme, Qeveria e shqyrtoi dhe e miratoi informacionin e dorëzuar nga Ministria e Vetëqeverisjes Lokale lidhur me krijimin e bazës ligjore për ndërprerjen e mandatit të kryetarit të Komunës së Bërvenicës. Ministria e Vetëqeverisjes Lokale, pas njoftimit të pranuar paraprakisht nga kryetari i Këshillit të Komunës së Bërvenicës, filloi procedurën për shkak të ekzistimit të rrethanës së paraparë me ligj, e cila çon në përfundimin e parakohshëm të mandatit të kryetarit të komunës sipas fuqisë së ligjit.

Qeveria, në afat prej 30 ditësh, fillon procedurën për shpalljen e zgjedhjeve të reja për kryetar komune, sipas Ligjit për Vetëqeverisjen Lokale. Në këtë procedurë, Ministria është e obliguar që në afat prej 15 ditësh nga marrja e njoftimit ta informojë Qeverinë për ekzistimin e kësaj baze ligjore.

Burim: Tetova Sot, https://tetovasot.com/2026/07/miteva-qeveria-mori-vendim-per-nderprerjen-e-mandatit-te-kryetarit-te-komunes-se-bervenices-ne-perputhje-me-dispozitat-ligjore/ — Redaksia ZHURMA