Pse Haxhiu nuk mund të dekretojë Kurtin për kryeministër?
Sipas Enver Hasanit, ushtruesja e detyrës së presidentit nuk mund ta dekretojë mandatarin e ri sipas aktgjykimit të GJK-së.
PRISHTINË — Profesori i së Drejtës Ndërkombëtare, Enver Hasani, ka deklaruar se ushtruesja e detyrës së presidentit, Albulena Haxhiu, nuk ka kompetencë të dekretojë Albin Kurtin apo kënd tjetër për kryeministër, sipas aktgjykimit të fundit të Gjykatës Kushtetuese.
Në emisionin 'Rubikon' në Klan Kosova, Hasani tha se ky interpretim nuk është qëndrim personal, por rrjedh nga aktgjykimi i 25 marsit. 'Politika mundet me vendosë ndryshe, siç ka vendosur në disa raste', shtoi ai.
Sipas profesorit, kompetenca për dekretimin e mandatarit i takon presidentit të vendit, andaj duhet të konstituohet Kuvendi, të zgjidhet presidenti, e pastaj të formohet qeveria. Ai përmendi rastin e Vjosa Osmanit e cila kishte dekretuar Kurtin, por theksoi se aktgjykimi i ri ka vendosur një standard të ri kushtetues. 'Përndryshe është shkelje kushtetuese', tha Hasani, duke shtuar se nëse kjo shkelje nuk çohet në gjykatë, çështja mbyllet aty.
Burim: Gazeta Express
— Redaksia ZHURMA