Kush u arrestua në operacionet 'Fair Play' dhe 'Next' të policisë së Tiranës?
Dy operacione të koduara 'Fair Play' dhe 'Next' goditën armëmbajtjen pa leje dhe lojërat e fatit në Vorë dhe Tiranë.
TIRANË — Policia e Shtetit realizoi brenda 24 orëve dy operacione të njëpasnjëshme kundër veprimtarisë kriminale, duke arrestuar në flagrancë 7 shtetas dhe sekuestruar dy armë zjarri, gjashtë celularë dhe 900 000 lekë (mbi 9 mijë euro).
Në kuadër të operacionit "Fair Play", specialistët e Sektorit për Hetimin e Krimeve Kibernetike arrestuan gjashtë persona në Vorë, ku në lokalun e shtetasit L. B., 61 vjeç, u kapën duke organizuar lojëra fati me celularë. Të arrestuarit janë L. B., B. Ç., 66 vjeç, A. K., 22 vjeç, F. I., 60 vjeç, I. L., 38 vjeç dhe A. D., 50 vjeç.
Në operacionin "Next", specialistët e Komisariatit të Policisë Nr. 4 arrestuan K. M., 25 vjeç, pasi gjatë kontrollit në automjetin e tij në rrugën "Myslym Keta" u gjetën dy armë zjarri automatike me municion, të dyshuara për shitje. Materialet iu referuan Prokurorisë.
Burim: Telegrafi
— Redaksia ZHURMA