Policia heziton të marrë përsipër ndeshjen e Egnatias në Europë

Egnatia do të përballet me Midtjylland në Conference League të enjten në stadiumin “Air Albania”. Situata në kryeqytet ka sjellë probleme, teksa Policia e Shtetit nuk ka marrë përsipër zhvillimin e ndeshjes, sipas asaj që shkruajnë mediat. Gazi lotsjellës ka depërtuar deri në ambientet e stadiumit, duke bërë të pamundur për skuadrën daneze vijimin e përgatitjeve normale për sfidën.

Vëmendja tashmë është përqendruar te vendimi zyrtar që do të përcaktojë nëse ndeshja do të luhet sipas programit apo nëse do të ketë ndryshime. Për Egnatian, e cila përballet me një takim historik në arenën europiane, kjo situatë krijon pasiguri të madhe në prag të kësaj sfide të rëndësishme.