Si është gjendja e Harbin Vitijës pas plagosjes në Bregun e Diellit?
Harbin Vitija, i njohur si "Plaku", është jashtë rrezikut për jetë pas të shtënave të 14 majit në një kafiteri të Prishtinës.
PRISHTINË — Harbin Vitija, i njohur me nofkën "Plaku", është në gjendje stabile dhe jashtë rrezikut për jetë, ka konfirmuar Besnik Elshani, drejtori i Klinikës së Neurokirurgjisë. "Gjendja e tij është stabile. Normalisht ka kufizime në lëvizshmëri, por po mendojmë gradualisht me fut në terapi fizikale", deklaroi Elshani për Klankosova.
Vitija ishte plagosur më 14 maj në lagjen "Bregu i Diellit" në Prishtinë, ku dy persona të maskuar dhe të armatosur kishin hyrë në një kafiteri dhe kishin shtënë në drejtim të tij. Ai kishte marrë plagë të rënda dhe kishte qëndruar në kujdes intensiv për disa ditë për shkak të gjendjes kritike.
Burim: Zëri
— Redaksia ZHURMA