Bora e parë zbardh Pelisterin — temperaturat në Manastir zbresin në 12 gradë
Temperaturat në Manastir ranë nga 26 në 12 gradë Celsius brenda një dite, ndërsa Institucioni Publik Parku Kombëtar njoftoi se shiu u shndërrua në borë.
MANASTIR — Në majën e Pelisterit, në malin Baba në një lartësi prej 2.601 metrash mbi nivelin e detit, ka rënë bora e parë e këtij sezoni. Parku Kombëtar "Pelister" njoftoi se temperaturat e ulëta e shndërruan shiun në reshje dëbore.
Ky ndryshim solli rënie të temperaturave edhe në Manastir. Një ditë më parë në orën 17:00 u matën 26 gradë Celsius, ndërsa të premten në të njëjtën orë temperatura zbriti në 12 gradë dhe vazhdon të bjerë.
Pamjet nga maja e zbardhur u shpërndanë nga punonjësit e pikës së Radiodifuzionit Kombëtar. Sipas autoriteteve të parkut, kjo dëshmon sërish se Pelisteri, i cilësuar si mbreti i maleve në vend, mbetet i paparashikueshëm dhe i fuqishëm.
Burim: TV21
— Redaksia ZHURMA