Optimizimi i KFOR-it nuk nënkupton tërheqje nga Kosova
Komandanti i ri i KFOR-it theksoi se optimizimi i misionit nuk sjell tërheqje dhe se prania do të përshtatet sipas situatës në terren.
Redaksia ZHURMA · · 1 min lexim
Gjatë një konference për media pas marrjes së detyrës, gjeneralmajor Roberto Vergori u shpreh se ndryshimet në kuadër të optimizimit të misionit nuk paraqesin largim nga vendi e as pakësim të angazhimit për ruajtjen e të gjitha komuniteteve. Ai theksoi se trupat do të vazhdojnë zbatimin e mandatit të mbështetur në Rezolutën 1244 të Këshillit të Sigurimit të OKB-së, duke harmonizuar veprimtarinë e tyre konform vlerësimeve të sigurisë në terren dhe në bashkëpunim të ngushtë me Policinë e Kosovës dhe EULEX-in.
Sipas tij, prania e re synon të sigurojë paanshmëri dhe disiplinë, duke krijuar kushte që ndihmojnë edhe proceset diplomatike për normalizimin e raporteve mes Kosovës dhe Serbisë. Ndërkohë, admirali George M. Wikoff shtoi se fokusi kryesor mbetet garantimi i sigurisë dhe lirisë së lëvizjes për banorët, duke mundësuar qasje të lirë në shkolla, vendet e punës dhe objektet e kultit nëpërmjet optimizimit të dislokimit të trupave.
