Ndalimi i peshkimit dhe kufizimi i lundrimit në Liqenin e Mavrovës

Enti Publik Nacional Parku «Mavrovë» ka njoftuar se do të vendoset një ndalim i përkohshëm për çdo lloj peshkimi, qoftë sportiv apo rekreativ, në Liqenin e Mavrovës. Kjo masë vjen për shkak të zhvillimit të Kampionatit Botëror në peshkim, një ngjarje zyrtare e rangut më të lartë në kuadër të FIPSed, me qëllim mbrojtjen e peshqve të lëshuar posaçërisht për këtë garë.

Sipas njoftimit zyrtar, ky ndalim do të hyjë në fuqi më 26 gusht dhe do të mbetet i vlefshëm deri më 7 shtator 2026, duke përfshirë kohëzgjatjen e plotë të kampionatit. Krahas kësaj, në të njëjtën periudhë do të kufizohet rreptësisht edhe përdorimi i mjeteve lundruese në liqen.

Nga këto kufizime përjashtohen vetëm mjetet e policisë, të shërbimeve të shpëtimit dhe të institucioneve të tjera kompetente, në rastet kur lëvizja e tyre është e domosdoshme për mbarëvajtjen e sigurisë dhe organizimin e garës. Autoritetet e parkut u kanë bërë thirrje sportistëve peshkatarë dhe të gjithë përdoruesve të tjerë që t'i respektojnë rregullat e vendosura gjatë gjithë kohëzgjatjes së masave.