Myftiu Naim Tërnava reagon pas ngritjes së aktakuzës ndaj Fatmir Shehollit

Prokuroria Speciale e Kosovës ka ngritur aktakuzë ndaj Fatmir Shehollit, i cili akuzohet për spiunazh dhe shantazh. Sipas aktakuzës, në telefonin e tij është gjetur një fotografi e titulluar “Top Secret 2”, e cila është përfshirë si provë nga Prokuroria.

Sipas aktakuzës, dokumenti që dyshohet se Sheholli ia kishte dërguar një personi përmban një plan që synonte zgjerimin e ndikimit të radikalizimit islamik në Kosovë dhe rajon. Fotografia mbante mbishkrimin “Top sekret 2” dhe përmbante tekst në gjuhën serbe me karakter konfidencial, duke përshkruar një plan për të krijuar perceptimin e Kosovës si vend i radikalizuar fetarisht dhe për ta kthyer atë nën juridiksionin e Serbisë.

Lidhur me këto zhvillime, myftiu i Kosovës, Naim Tërnava, ka dalë me një deklaratë publike, duke shprehur shqetësimin e tij për zhvillimet e ditëve të fundit dhe pretendimet e paraqitura në publik.

Burimet: Epoka e Re; RajoniPress (Gazete Rajonale Online); Veriu.info; IndeksOnline; Podujeva News (klaster 6 outlets).