Kosova përballet me mot të nxehtë të shtunën — temperaturat deri në 36 gradë
Qytetarët këshillohen të kenë kujdes gjatë qëndrimit jashtë, ndërsa era pritet të fryjë me shpejtësi deri në 37 km/h.
PRISHTINË — Kosova parashikohet të përballet me mot shumë të nxehtë dhe me diell këtë të shtunë, ndërsa temperaturat maksimale pritet të arrijnë nga 32 deri në 36 gradë Celsius. Për shkak të temperaturave të larta, këshillohet që qytetarët të kenë kujdes të shtuar nëse qëndrojnë jashtë për periudha të gjata kohore.
Nga ana tjetër, temperaturat minimale gjatë kësaj dite do të lëvizin prej 14 deri në 19 gradë Celsius. Gjithashtu, parashikohet që era të fryjë nga drejtime të ndryshme me një shpejtësi që do të luhatet prej 10 deri në 37 kilometra në orë.
Burim: Gazeta Metro
— Redaksia ZHURMA