Mësuesja kujton me fjalë prekëse 18-vjeçarin nga Kosova pas tragjedisë në Shëngjin

Artistja dhe mësuesja Arta Ramadani ka reaguar me dhimbje pas ndarjes nga jeta të 18-vjeçarit Shpejtim Sylën, i cili humbi jetën në Shëngjin. Përmes një dedikimi prekës, ajo ka kujtuar të riun, pasionin e tij për artin dhe talentin që e karakterizonte.

Në mesazhin e saj, Ramadani i është drejtuar me fjalët “Lamtumirë, artist!”, duke shprehur dhimbjen për humbjen e tij. Ajo ka theksuar se Shpejtim Sylën ishte një talent i veçantë, i cili u nda nga jeta në mënyrë tragjike.

Ngjarja ka tronditur opinionin publik, ndërsa mësuesja ka zgjedhur ta përjetësojë kujtimin e tij përmes fjalëve të ndjera, duke i bërë jehonë dhimbjes së familjes dhe miqve të të riut.