Çfarë objekti riktheu MBPZhR-ja nga strukturat paralele në Zveçan?
Drejtoriati i Inspektoratit Qendror të Pylltarisë dhe Gjuetisë ka marrë në administrim një ndërtesë që ishte në duart e strukturave paralele në veri.
PRISHTINË — Drejtoriati i Inspektoratit Qendror të Pylltarisë dhe Gjuetisë, në bashkëpunim me Agjencinë Pyjore të Kosovës, ka rikthyer në pronësi të shtetit një objekt në Komunën e Zveçanit që ishte uzurpuar dhe shfrytëzohej nga strukturat paralele në veri të vendit.
Veprimi u bazua në vendimin e ministrit Armend Muja për racionalizimin e hapësirave administrative. Qëllimi i riorganizimit është ridrejtimi i mjeteve publike drejt investimeve për fermerët dhe zhvillimin bujqësor, si dhe ulja e kostove operative përmes zvogëlimit të shpenzimeve të qirasë.
MBPZhR synon zhvendosjen graduale të institucioneve vartëse në objekte publike, duke forcuar menaxhimin e pronës shtetërore.
Burim: Telegrafi
— Redaksia ZHURMA